Romi
|
Voixali ek purvil'lem bharti-i nogor ani gonnrajy. Aichea viharantlea mujhforopur mhalant aspi hajipur porognneantolem bosaddh namvachem gamv. Hakach purvil'lem voixalichem sthan manop zata.Toxench chomparnny,mujhforopur,dorbhonga hea vattharancho borochoso bhag hea nograchea purvil'lea vistarant aspavil'lo axil'lo. Hachi xim' nixrchitoponnan zori sangunk yena asli, tori ostomotek gonddok,udentek purvil'lem gonddok,dokxinnek gonga ani ut'torek himaloi porvot hea bhumyechea bhagar voixalichem samrajy aslem.[1] itihas
Voixalichem soglleant poilem vornnon valmikiramainnant melltta. Thoim voixali nogor gongeche ut'tor degek tenklam mhonnpachem kolltta. Ovdan kolpokota hea gronthantlea vornnonapromann voixali folgumoti nhomyechea degecher voxil'li.[2]
Valmikiramainnant hea nograche nirmitivixim ek kotha sanglea ti oxi - olombuxa namvachi ek opsora axil'li.Tika ikxvaku vonxantlea teach namvachea razakoddlean ek cholo zalo.Tachem namv vixal.[3] tannem hem nogor vosoil'lean nograchem namv voixali poddlem. Monucho put nabhanedixtti ho voixalicho poilo raza ani sumti ho nimnno raza.Tachea fuddlea voixalichea razanchi vonxaull mellna. Toxench ram' jen'na sita svoimvra khatir mithilek votalo ten'na taka vattent voixali nogor lagil'lem.
Voixalicho itihas budhdokallasaun melltta. Tea kallantlea so nogrant voixalicho poilo man aslo.Ten'na thoim lichkxovi vonxanchem rajy axil'lem ani voixalintlea loksonkhyecho ankddo vhoddlo axil'lo. Vhoddlim vhoddlim sobit deullam,rajvadde,bago,udeanam,tollim,him hea nograchim bhuxnnam asat.Marttin ani koningohem' hamnni bosaddh hanga sampddil'lea dhvomsauxexamvoilean voixalichi tea kallchi manddnni koxi axil'li hachem xoubdochitr ubem kelam. Raza vixal hacho prasad dokxinn dika soddun tinuy vottamni udkan revaddil'lo asa. Pausalleant ani xialleant raza lagxil'lea eka kil'leant vochun rautalo.Ho kil'lo aichea bosaddh gamvalagim asun to ut'torek 757 futt,dokxinnek 780 futt,udentek 1655 futt ani ostontek 1650 oso tacho vhoddlo amvatth asa.Kil'lea bhontnnochim fonnkulam 15 futt khol anni 125 futt rund axil'lim.Blax hanga ek gonnpotichi murtoi sampoddlea. [4]
Voixali bhomvtonnim sumar baun'n tollim asat, oxi ek dontkotha asa.Dusre eke dontkotheuylean purannantlea bolirazak vamnan patallant dhaddil'leachi ghoddnnuk voixalilaginch ghoddil'leachem sanglam. Boli ho bosaddh hanga rautalo hem dontkotheuylean kolltta.[5] razoutti
Goutom' budhdachea kallant ixany bhartantolem ek gonnrajy mhonn voixalichi soglleak namna axil'li.Tea kallant jeo jeo namnecheo razoutti udeleo mova je je mhotvache raxttri-i prosong ghoddle,tea soglleancho hea na tea karnnantlean voixalikodden sombond yeta.Voixali nogrant ek vhoddlem sobhaghor axil'lem. Tom-i lichchhovancho sobha zataleo ani thomyuch te soglle ekmotan nirnnoi ghetale.https://en.wikipedia.orgview_html.php?sq=Lil Yachty &lang=gom&q=Vaishali
Bhogvan budhdak voixali nograchi chodd odd asli. Thoinchea amrounant ani nograbhailea mohaunant tache porot porot mukkam' astale.Tannem apli somsmoronni-i dhormoprouchonam choddxim voixalichea vattharant kel'lim. Voixalichi nogor vodhu amropali hi tor budhdachea poilea chodrxonan gul'l zaun, sorvosongoporiteag korun bhikxunn zal'li.[6]
Bhogvan mohavirachi auy trixla hi voixalicheach rajghorannantlea ketok namvachea vorazachi bhoinn axil'li. Voixalichea kunddgram' namvachea upnogorant mohavir zolmak ailo.Obhoideusurin bhovanisutr hea gronthancher boroil'le ttikent voixaliche put hea orthan mohavirak voixalik ani tache auyk voixalisuta oxa orthan vixal oxem mhollam.Mohavirachem bhurgeponnuy voixalintuch gelem ani jindikxe uprantoche bara pausallem tannem hangach kaddle.Mohaviracho voixalinogorakodde oso ghott sombond axil'leakaronnan zoin lokanchea motapromann voixali nogor hem tirthorup thorlam.
Yuan chvang hachea vornnonauylean kolltta tem oxem : voixalint,budhdache mukhel xixy anond ani vosariput moggolain hanche yadikhatir stup bandle.Eka vhoddlea tolleache deger 50 futt unch oso ek khambo asun, tacher ek ximvachi murti asli.Hea goutom' budhdachea mohaporinirvanna uprant sumar 110 vorsamni voixalint ek boudhd dhormoporixod bhorli tatunt sumar satxem boudhd bhikxumni vantto ghetil'lo. Voixalichea lichchhovi gonnamni-i budhdachea ovxexacher voixalik ek stup ubaril'lo to 7 vea xenkddeant ostitvant axil'lo.Punn fuddem mat to ken'natori bhuyenchea pottant goddop zalo.
© MMXXIII Rich X Search. We shall prevail. All rights reserved. Rich X Search